Phil Foden, leikmaður Manchester City, er búinn að skrá sig í sögubækurnar en hann er nú kominn í heimsmetabók Guinness.
Foden er 19 ára gamall í dag en hann var aðeins 17 ára gamall er City vann deildina 2017-2018.
Hann er yngsti sigurvegari í sögu ensku úrvalsdeildarinnar og fær viðurkenningu vegna þess.
Foden hefur komið við sögu í fimm leikjum City á þessu tímabili í deild og byrjað leiki í öðrum keppnum.
Hann er enn gríðarlegt efni en sumir telja að hann þurfi að komast annað til að fá enn meiri spilatíma.
