Jadon Sancho, vonarstjarna Englands mætti of seint til æfinga hjá Borussia Dortmund í síðustu viku. Hann kom seint úr landsliðsverkefni.

Sancho er mikið efni og er orðaður við Real Madrid og Manchester United, þessi knái kantmaður er eftirsóttur.

Lucien Favre, þjálfari Dortmund var ansi reiður og lét Sancho fara einan út í mígandi rigningu. Þar var hann látinn hlaupa hring, eftir hring þangað til Favre hafði róast.

Að auki fékk Sancho 86 þúsund pund í sekt eða tæpar 14 milljónir, hann ætti þó að hafa efni á því enda mokar hann inn seðlum.

Sancho var utan hóps hjá Dortmund um helgina en fær að koma til baka í Meistaradeildinni, í vikunni.