Jose Mourinho er efstur á óskalista Real Madrid sem skoðar það að leysa Zinedine Zidane undan störfum.
Frá þessu greina spænskir miðlar en frammistaðan undir Zidane hefur ekki þótt sannfærandi undanfarið.
Real tapaði 1-0 gegn Mallorca um helgina og er pressan farin að myndast á Santiago Bernabeu.
Mourinho var áður stjóri Real en hann stýrði félaginu frá 2010 til 2013 áður en hann hélt til Chelsea.
Portúgalinn var síðast hjá Manchester United en hann var rekinn frá félaginu í desember.
