Ejub Purisevic hefur fundið sér nýtt starf en hann hefur gert samning við Stjörnuna.
Ejub hefur undanfarin ár gert það gott í Ólafsvík en hann hefur verið aðalþjálfari meistaraflokks karla.
Hann mun nú reyna fyrir sér í nýju starfi og mun stýra hæfileikamótun yngri flokka.
Tilkynning Stjörnunnar:
Stjarnan hefur samið við Ejub Purisevic um þjálfun í barna og unglingastarfi félagsins.
Ejub mun verða aðalþjálfari 3 fl. karla auk þess sem hann mun stýra hæfileikamótun í 2. – 4. fl. Stjarnan bindur vonir við að koma Ejub muni styðja við framþróun þeirra fjölmörgu efnilegu leikmanna sem æfa af krafti um þessar mundir hjá Stjörnunni.
Ljóst er að Ejub er mikill fengur fyrir félagið en hann hefur sannað sig sem einn af allra öflugustu þjálfurum landsins.
