Maurizio Sarri, stjóri Juventus, hefur staðfest það að Mario Mandzukic sé ekki að æfa með félaginu.
Mandzukic er líklega á förum frá Juventus í janúar en hann er ekki inni í myndinni hjá Sarri.
Manchester United ku hafa áhuga á að semja við Króatann sem æfir einn og sér þessa stundina.
,,Mario Mandzukic æfir ekki með okkur, hann náði samkomulagi við félagið. Ef það breytist þá er ég opinn fyrir öllu,“ sagði Sarri.
Mandzukic verður samningslaus næsta sumar og má því ræða við nýtt félag í janúar.
