Gylfi Þór Sigurðsson skoraði magnað mark í dag er lið Everton spilaði við West Ham í ensku úrvalsdeildinni.

Gylfi ræddi við BT Sport eftir leikinn en sigurinn var mikilvægur fyrir Everton eftir erfitt gengi undanfarið.

,,Þetta var frábær frammistaða. Við fengum mörg færi og sérstaklega í seinni hálfleik þegar leikurinn var opinn,“ sagði Gylfi.

,,Þú veist aldrei hvað gerist í stöðunni 1-0 en sem betur fer þá héldum við þremur stigunum í dag.“

,,Það voru tvö mörk tekin af okkur vegna rangstöðu, við skutum í slá og markvörðurinn þeirra varði vel.“

,,Við vorum orkumiklir. Við pressuðum þá hátt, gáfum boltann vel og hreyfingin var góð.“