Neymar, leikmaður Paris Saint-Germain, hefur útskýrt af hverju hann á það til að henda sér í grasið.
Neymar er oft ásakaður um að vera ýkja meiðsli og brot á velli og fær reglulega gagnrýni vegna þess.
Neymar ræddi við brasilísku goðsögnina Ronaldo og segir að hann sé einfaldlega að verja sig með því að stökkva úr tæklngum.
,,Ef ég myndi ekki gera þetta þá væri ég meiddur núna,“ sagði Neymar við Ronaldo.
,,Þú verður að verja sjálfan þig því það er enginn annar sem gerir það fyrir þig.“
