Pierre-Emerick Aubameyang, leikmaður Arsenal, fékk morðhótanir á Instagram eftir mynd sem hann birti á dögunum.
Aubameyang er landsliðsmaður Gabon og spilaði í 3-2 sigri gegn Marokkó á þriðjudaginn.
Eftir sigurinn þá birti Aubameyang liðsmynd á Instagram þar sem leikmenn Gabon fögnuðu innilega.
Aubameyang fékk morðhótanir eftir þessa færslu og varð einnig fyrir kynþáttafordómum.
,,Farðu til fjandans. Ef þú lætur sjá þig í Marokkó þá lofa ég að drepa þig,“ skrifaði einn við myndina.
Úrslitin voru frábær fyrir Gabon en Marokkó er 49 sætum fyrir ofan þjóðina á styrkleikalista FIFA.
