Carli Lloyd, leikmaður bandaríska landsliðsins, hataði HM í sumar en hún var hluti af sigurliðinu.
Lloyd tók þátt í öllum leikjum Bandaríkjanna en hún var mest megnis varamaður og spilaði ekki lykilhlutverk.
Hún hataði þetta minna hlutverk eftir að hafa skorað sex mörk árið 2015 er Bandaríkin unnu HM þá.
,,Ég ætla ekki að ljúga og reyna að fela þetta. Þetta var versti tími lífs míns. Þetta hafði áhrif á samband mitt við eiginmanninn og vini,“ sagði Lloyd sem er 37 ára gömul.
,,Þetta var botninn á mínum ferli en þrátt fyrir það þá sérðu alltaf ljósið. Ég get sagt það að ég skemmti mér meira í dag en nokkurn tímann á ferlinum.“
,,Ég tel að ég hafi lært mikið af þessu. Ég átti skilið að fá að spila á þessu móti en það gerðist ekki. Ég hef þroskast sem manneskja, sem leikmaður. Þetta var ömurlegt, alveg hræðilegt.“
