Það eru góðar líkur á því að Alexis Sanchez, leikmaður Inter Milan, spili ekki meira á þessu ári.
Sanchez hefur verið frá keppni undanfarið en hann meiddist í leik gegn Kólumbíu á dögunum.
Sanchez gæti þurft að fara í aðgerð vegna ökklameiðsla og væri þá ekki meira með á þessu ári.
Sílemaðurinn hefur verið í basli með að komast í sitt besta form á tímabilinu eftir að hafa gert lánssamning við Inter.
Sanchez hefur í raun ekki verið sjálfum sér líkur í tvö ár eftir að hafa skrifað undir hjá Manchester United.
