Oscar, fyrrum leikmaður Chelsea á Englandi, er að undirbúa það að snúa aftur í evrópska boltann.
Oscar hefur undanfarin tvö ár leikið í Kína en hann fór þangað óvænt aðeins 25 ára gamall.
Hann hefur leikið með Shanghai SIPG þar í landi og vann kínversku Ofurdeildina á síðasta ári.
Oscar hefur nú staðfest að hann sé í viðræðum við tvö félög en það eru Inter og AC Milan.
,,Já ég hef talað við tvö Milan lið á þessu ári,“ sagði Oscar.
,,Ég get ekki farið út í smáatriðin en ég get sagt það að mig langar til að spila á Ítalíu.“
