Sápuóperan á milli Rooney fjölskyldunnar og Rooney fjölskyldunnar virðist engan endi ætla að taka.

Enska götublaðið The Sun hefur síðustu ár flutt mikið af fréttum af Coleen Rooney og eiginmanni hennar, Wayne Rooney. Til að byrja með voru fréttirnar allt um persónulegt líf þeirra hjóna. Til að byrja með voru fréttir The Sun allar réttar, upplýsingarnar komu eftir að Coleen Rooney, hafði deilt upplýsingum með nánum vinum á Instagram.

Coleen skildi ekki af hverju allar þessar upplýsingar rötuðu í The Sun, hún var aðeins með nána vini á þessum lokaða Instagram reikningi. Það kom því ekkert annað til greina en að vinkona eða vinur hennar væri að leka upplýsingum í blaðið.

Coleen greindi svo frá því á dögunum að það væri aðeins aðgangur Rebakah Vardy á Instagram sem kæmi til greina. Vardy var fljót til svara og sagði marga hafa aðgang að Instagram aðgangi sínum, fáir kaupa þá afsökun hennar.

Vardy er nú mætt aftur til Englands en hún hefur undanfarið verið í fríi ásamt eiginmanni sínum í Dubai.

Jamie Vardy og Wayne Rooney voru liðsfélagar í enska landsliðinu, þeir voru miklir vinir. Það vinasamband er nú á enda.

Daily Mirror segir að Jamie Vardy hafi ákveðið að henda Rooney út af bæði Twitter og Instagram síðu sinni, hann reynir að styðja eiginkonu sína með þessu. Ljóst er að stríðið heldur áfram enda ætlar Vardy fjölskyldan að láta lögfræðinga skoða málið og íhuga að fara í mál við Coleen.