Kolbeinn Sigþórsson jafnaði markamet Íslands í kvöld er hann skoraði í 2-0 sigri á Andorra.

Kolbeinn skoraði sitt 26. landsliðsmark og er nú með jafn mörg mörk og Eiður Smári Guðjohnsen.

Þrátt fyrir sigurinn er staða Íslands erfið í riðlinum eftir jafntefli Frakklands og Tyrklands.

,,Það var svekkjandi, sérstaklega fyrir mig líka því ég jafnaði markametið,“ sagði Kolbeinn um úrslitin í París.

,,Tilfinningin var góð á meðan hún lifði en það er greinilega ekki hægt að treysta á Frakkana.“

,,Ég er stoltur af tölfræðinni. Mér líður alltaf best þegar ég spila fyrir landsliðið og tölfræðin sýnir það. Vonandi get ég haldið áfram að bæta við þetta“

,,Ég er líka ánægður með að hafa komið til baka eftir þessi meiðsli og fólk kannski búið að afskrifa mig og héldu að ég væri búinn.“