Kolbeinn Sigþórsson er búinn að jafna markamet íslenska karlalandsliðsins.
Þetta varð ljóst í kvöld en Kolbeinn var í byrjunarliði Íslands sem spilar nú við Andorra.
Staðan er 2-0 fyrir Íslandi þessa stundina en Kolbeinn var að bæta við öðru marki liðsins.
Mark Kolbeins var frábært en hann tók vel á móti boltanum eftir góða stoðsendingu og kláraði af stakri snilld.
Kolbeinn er nú búinn að skora 26 mörk í 54 landsleikjum sem er frábær árangur.
Það er jafn mikið og Eiður Smári Guðjohnsen skoraði fyrir liðið en hann var lengi markahæstur í sögunni.
