U21 landslið karla mætti Svíum í undankeppni EM 2021 í Helsingborg um helgina og beið lægri hlut. Heimamenn voru mun sterkari og unnu 5-0 sigur. Sænska liðið leiddi með tveimur mörkum í hálfleik og bætti við þremur í þeim seinni.

Þetta voru fyrstu stig Svía í riðlinum, en þeir höfðu tapað eina leiknum sínum fram að þessum, heimaleik gegn Írlandi, en Írland kemur einmitt til Íslands og mætir okkar piltum á Víkingsvelli á morgun klukkan 15:00.

,,Það getur verið erfitt að rífa sig í gang, við höfum sýnt strákunum strax í gær hvað fór úrskeiðis. Mikilvægt fyrir unga leikmenn að gera sér grein fyrir því hvað var gott og slæmt, þetta er ekki flókið ef menn skilja hvað þeir gerðu vel og hvar blæðingin var. Þá er auðveldara að stoppa þá blæðingu;“ sagði Arnar á Víkingsvelli í dag.

,,Við erum brattir og ætlum að reyna að bæta fyrir þau úrslit,“ sagði Arnar um leikinn á morgun.

Ítarlegt viðtal við Arnar er í heild hér að neðan.