Stjarnan hefur staðfest frétt okkar fyrr í vikunni þess efnis að Brynjar Gauti Guðjónsson hafi skrifað undir nýjan samning.

Brynjar Gauti, miðvörðurinn öflugi hefur gengið frá áframhaldandi samning við Stjörnuna. Brynjar hefur verið einn öflugasti leikmaður liðsins á undanförnum árum og hefur fest sig í sessi sem einn af lykilmönnum liðsins.

,,Brynjar kom til Stjörnunnar árið 2015 frá ÍBV en áður lék hann jafnframt með Víking Ólafsvík. Brynjar er lykilleikmaður í plönum okkar til framtíðar og hefur fyrir löngu sannað sig sem afburðar varnarmaður og því er það ánægjuefni að hann skuli halda áfram með okkur,“ segir á Facebook síðu félagsins.