Varnarjaxlinn, Ragnar Sigurðsson  er fyrirliði Rostov sem berst á toppi úrvalsdeildarinnar í Rússlandi, Afar hörð barátta er á toppnum en fjögur lið hafa 26 stig á toppnum, Rostov er eitt þeirra.

,,Þetta er ótrúlegt, þetta er fáranlega jafnt á toppnum. Við erum með lið til að vinna deildina, við erum ekki með rosalega breiðan hóp. Það þurfa allir að haldast heildir,“ sagði Ragnar á Laugardalsvellinum í dag.

Íslenska liðið tapaði síðast leik gegn Albaníu, skellur sem þarf að passa að endurtaki sig ekki.

,,Ég var löngu búinn að þurrka þann leik út, hafði ekkert hugsað um það fyrr en við komum hingað núna að fara yfir þetta. Það kemur þessum leik ekkert við.“

Ísland mætir Frakklandi á föstudag í undankeppni EM.  ,,Við þurfum að fara að loka markinu betur, vera árásagjarnari. Það er mikilvægt að skora fyrsta mark.“

Umræðan um liðið eftir Albaníu leikinn var neikvæð, það er fljótt að breytast. ,,Er þetta ekki svona alls staðar? Maður þarf alltaf að vera á toppnum og vinna, svo maður sé ekki einhver aumingi. Við vitum af því.“

Viðtalið við Ragnar er í heild hér að neðan.