Aron Einar Gunnarsson, landsliðsfyrirliði, mun ekki spila gegn Frökkum á föstudaginn með íslenska landsliðinu. Aron reif liðband í ökkla á föstudag.
Aron meiddist í leik gegn Al-Kohr um helgina í úrvalsdeildinni í Katar. Aron fór undir hnífinn í dag en líklegt er að hann verði á sjúkrabekknum í hið minnsta tvo mánuði. Aðgerðin gekk vel ef marka má Twitter síðu Al-Arabi.
Aron mun því einnig missa af verkefni landsliðsins í nóvember þegar liðið getur tryggt sig inn á Evrópumótið, á næsta ári. Aron gekk í raðir Al-Arabi í sumar en hann fær bestu mögulegu meðhöndlun þar í landi, til að ná fyrri styrk.
Aron birti mynd af sér á Instagram eftir aðgerðina þar sem hann er brattur. ,,Þessi litla aðgerð gekk vel, get ekki beðið eftir því að byrja að leggja hart að mér, til að koma sterkur til baka. Tak fyrir allar kveðjurnar,“ skrifar Aron.
