Knattspyrnufélagið Valur og SC Heerenveen hafa náð samkomulagi um félagsskipti Birkis Heimissonar til Vals.
Birkir Heimisson miðjumaður hefur skrifað undir 3ja ára samning við Val. Birkir sem er fæddur árið 2000 er uppalin hjá Þór Akureyri og lék með þeim í Inkasso deildinni 2016.
Birkir hélt til Hollands 2016 og gekk til liðs við Heerenveen og hefur leikið þar undanfarin ár með U18, U19 og U21 liðum félagsins þar sem hann spilaði í kringum 60 leiki.
Birki bauðst að famlengja samning sinn við Heerenveen en ákvað að hafna þeirra tilboði til að ganga til liðs við Val. Birkir hefur leikið fjölmarga leiki með yngri landsliðum Íslands og hefur verið fyrirliði U17 og U19 ára liðanna.
