Michael Owen, fyrrum leikmaður Manchester United, sparað ekki stóru orðin í gær.
Owen sá United spila við AZ Alkmaar í Evrópudeildinni og segir liðið vera það versta í langan, langan tíma.
United gerði markalaust jafntefli við þá hollensku og virkaði alls ekki sannfærandi fram á við.
,,Já ég myndi segja að þeir væru miðlungslið. Ég efast um að þeir komist í topp sex á tímabilinu,“ sagði Owen.
,,Topp tíu er líklegt en það eina að við séum að eiga þetta samtal er áhyggjuefni, er það ekki?“
,,Þetta hlýtur að vera versta lið Manchester United síðan áður en Sir Alex Ferguson tók við.“
,,Í fimm, sex, sjö eða átta ár þá hefur maður hugsað að þetta geti ekki versnað en það hefur versnað.“
,,Á marga vegu þá hefur Ole Gunnar Solskjær vitandi veikt þetta lið. Hann losaði sig við menn eins og Romelu Lukaku, Ander Herrera, Matteo Darmian, Alexis Sanchez og Chris Smalling.“
,,Hann veit að þeir gætu styrkt liðið en hann telur að hann þurfi að taka nokkur skref aftur á bak og svo áfram.“
