Eins og staðan er þá er alveg óvíst hvað verður um Birki Bjarnason, leikmann íslenska landsliðsins.
Birkir hefur lengi verið mikilvægur hlekkur í landsliðinu en hann er þó án félags þessa stundina.
Birkir yfirgaf lið Aston Villa í sumar og hefur enn ekki tekist að finna sér nýtt félag.
Benedikt Bóas, blaðamaður Vísis, hefur ítrekað reynt að ná í Birki til að fá svör varðandi framtíðina.
Hann birti þetta í pistli sínum í dag og sá birkir þessi skrif og birti mynd af því á Instagram.
,,Ómögulegt hefur verið að ná í Birki undanfarnar vikur um næstu skref hans á ferlinum,“ skrifar Benedikt.
,,Síminn hans virðist alltaf verða eftir á náttborðinu og ekki hringir hann til baka. Sama hvað er reynt.“
