Sigurður Egill Lárusson hefur skrifað undir 3ja ára samning við Val. Sigurður Egill sem kom til Vals árið 2012 hefur verið lykilmaður liðsins undanfarin tímabil og verið afar sigursæll, m.a orðið Íslandsmeistari , bikarmeistari, Lengjubikarmeistari,Reykjavíkurmeistari og meistari meistaranna.

Samningur Sigurðar var að renna út og bæði Víkingur og Breiðablik höfðu sýnt honum áhuga.

Heimir Guðjónsson var ráðinn þjálfari Vals í gær og hans fyrsta verk var að sannfæra Sigurð. „Gríðarlega spennandi tímar framundan undir stjórn Heimis og ég get ekki beðið eftir að byrja æfa undir hans leiðsögn,“ sagði Sigurður.

Heimir fagnar þessu að Sigurður taki slaginn með sér. ,,Frábært að Siggi Lár hafi framlengt við félagið því hann er einfaldega frábær fótboltamaður”