Christian Eriksen, leikmaður Tottenham, þurfti að svara fyrir sig á samskiptamiðlinum Twitter í dag.

Eriksen lék með Tottenham í 7-2 tapi gegn Bayern Munchen í gær en leikið var í Meistaradeildinni.

Í kjölfarið fóru sögusagnir af stað um Eriksen og liðsfélaga hans Jan Vertonghen.

Talað var um að Vertonghen hefði sofið hjá eiginkonu Eriksen og að þeir hafi rifist heiftarlega í búningsklefanum.

Einnig var greint frá því að Eriksen hafi reynt ítrekað að komast burt í sumar vegna þess.

,,Kjaftæði,“ skrifaði Eriksen á Twitter-síðu sína í dag áður en Vertonghen blandaði sér í málið.