Kasper Dolberg, framherji Nice í Frakklandi er gjörsamlega brjálaður. Liðsfélagi hans stal úrinu hans í klefanum.
Ekki er um að ræða neitt venjulegt úr en úrið sem Dolberg átti kostar 62 þúsund pund, rúmar 9 milljónir íslenskra króna.
Dolberg er danskur sóknarmaður sem Nice keypti í sumar frá Ajax. Úrið var í skápnum í klefanum, þegar því var stolið.
Lamine Diaby er nú fyrrum liðsfélagi Dolberg, hann hefur játað brot sitt og Nice hefur rift samningi hans. Diaby er 18 ára gamall og var eitt mesta efni Nice. Hann mun nú ganga í raðir Paris FC sem leikur í Ligue 2 í Frakklandi.
Dolberg er alveg brjálaður og hótaði að spila ekki leik vegna málsins.
