Tottenham fékk sjö mörk á sig í kvöld er liðið mætti Bayern Munchen í Meistaradeild Evrópu.
Tottenham gat ekkert á heimavelli sínum í London og tapaði leiknum að lokum 7-2 sem er ótrúleg staða.
Ekkert enskt lið í sögunni hefur tapað eins stórt heima á heimavelli í sögu Evrópukeppna og eru úrslitin því söguleg.
Tottenham er með eitt stig eftir fyrstu tvo leikina eftir jafntefli gegn Olympiakos í fyrstu umferð.
Bayern skoraði þrjú mörk á fimm mínútum undir lokin og gerði Serge Gnabry fernu.
