Stellar umboðsskrifstofan hefur tekið yfir rekstur Total Football, sem hefur verið stærsta skrifstofan hér á landi. Um er að ræða umboðsmenn knattspyrnumanna.

Stellar er ein allra stærsta stofan í heiminum en hún hefur marga af bestu knattspyrnumönnum heims.

Bjarki Gunnlaugsson og Magnús Agnar Magnússon sem starfað hafa hjá Total Fotball munu nú starfa fyrir Stellar Nordic deild fyrirtækisins. Fyrirtækið vill stækka sig á Norðurlöndum og í Rússlandi, þar hafa Bjarki og Magnús Agnar góð tengsl.

Íslendingar þekkja Stellar nokkuð vel Gylfi Þór Sigurðsson, Jóhann Berg Guðmundsson og Aron Einar Gunnarsson hafa allir verið með umboðsmenn hjá þessari stofu.

,,Fótboltinn er að breytast og verða alþjóðlegri, í fortíðinni var þetta meira um að koma stórum nöfnum inn í stærstu deildirnar. Núna eru gæðin af leikmönnum sem koma í gegnum unglingastarf mikil og það er ægt að eiga frábært líf með stórum félögum eins og Malmö og FCK,“ sagði Magnús Agnar.

,,Stellar er stærsta skrifstofa íþróttafólks í heimi en við hættum aldrei, við leitum alltaf af nýjum tækifærum fyrir okkar umbjóðendur. Bjarki og Magnús eru mjög virtir umboðsmenn og hafa mikla þekkingu, og tengsl sem opna dyr fyrir okkar fólk,“ sagði Jonathan Barnett, stjórnarformaður Stellar.