Valur hefur ákveðið að láta Ólaf Jóhannesson fara úr starfi sem þjálfari liðsins, félagið hefur staðfest að rætt sé við aðra menn.

Heimir Guðjónsson er lang líklegastur til að taka við og heimildarmenn 433.is, tala um að það sé svo gott sem klárt. Heimir er að klára annað tímabil sitt með HB í Færeyjum og vill koma heima.

Ólafur fær því rauða spjaldið eftir fimm ár hjá Val, hann vann fjóra stóra titla fyrstu fjögur árin. Eitt slæmt tímabil kostar hann starfið.

,,Flest bend­ir til þess að Ólaf­ur Jó­hann­es­son yf­ir­gefi brúna á Hlíðar­enda og fái þar með kald­ar kveðjur frá Vals­mönn­um þrátt fyr­ir góða upp­skeru á und­an­förn­um árum. Und­ir stjórn Óla hef­ur Val­ur orðið Íslands­meist­ari í tvígang og bikar­meist­ari jafn oft,“ sagði Guðmundur Hilmarsson í bakverðinum í Morgunblaðinu í dag.

,,Tíma­bilið hjá Val í ár hef­ur verið skraut­legt í meira lagi og ár­ang­ur­inn væg­ast sagt slak­ur. Að sjálf­sögðu ber þjálf­ar­inn mikla ábyrgð á gengi liðsins og leik­manna­kaup­um fyr­ir tíma­bilið, sem reynd­ust slæm í flest­um til­fell­um.“

,,Eft­ir eitt slakt tíma­bil hefði ég haldið að Óli Jó ætti inni­stæðu fyr­ir því að halda áfram en for­ráðamenn Vals virðast vera á þeirri skoðun að tími hans sé liðinn. Þeir hafa þegar rætt við Heimi Guðjóns­son, þjálf­ara HB í Fær­eyj­um, og hver veit nema hann feti í fót­spor síns gamla læri­meist­ara eins og hann gerði hjá FH.“