Cristiano Ronaldo hefur áhyggjur af stórstjörnunni Neymar sem spilar með Paris Saint-Germain.

Neymar reynir að komast burt frá PSG þessa stundina en mistókst að semja við annað félag í sumar.

Ronaldo vonar að Neymar finni lausn á þessu máli og segir að hann sé frábær leikmaður.

,,Ég veit ekki meira en að hann er frábær leikmaður og við náum vel saman,“ sagði Ronaldo,.

,,Það er mikið talað um hann, Madríd, Barcelona og Juventus. Það er starf fjölmiðla því þú þarft að selja blöðin.“

,,Ég held að hann verði áfram í París ef ekki þá þarf hann að fara einhvert þar sem hann getur tjáð sig á vellinum.“

,,Ég vona að hann sleppi við meiðsli því hann hefur glímt við nokkur og það veldur honum áhyggjum.“

,,Ég hef áhyggjur því ég vil sjá strákinn spila fótbolta.“