Liverpool vann góðan sigur í ensku úrvalsdeildinni í dag er liðið mætti Chelsea í sjöttu umferð.
Leikið var á Stamford Bridge í London en það voru þeir rauðu sem höfðu betur, 2-1.
Trent Alexander-Arnold kom Liverpool yfir snemma leiks og bætti Roberto Firmino við öðru með skalla áður en fyrri hálfleik lauk.
N’Golo Kante minnkaði svo muninn fyrir Chelsea í seinni hálfleik með flottu marki en það dugði ekki til og lokastaðan, 2-1.
Arsenal vann þá magnaðan sigur á Aston Villa en liðin áttust við á heimavelli Arsenal í London.
Villa komst yfir í fyrri hálfleik áður en Ainsley Maitland-Niles var rekinn af velli með tvö gul spjöld í fyrri hálfleik.
Nicolas Pepe jafnaði metin fyrir Arsenal í þeim síðari úr vítaspyrnu áður en Wesley kom Villa aftur yfir.
Undir lokin skoruðu svo bæði þeir Callum Chambers og Pierre-Emerick Aubameyang fyrir Arsenal sem vann 3-2 sigur með tíu menn.
Chelsea 1-2 Liverpool
0-1 Trent Alexander-Arnold(14′)
0-2 Roberto Firmino(30′)
1-2 N’Golo Kante(71′)
Arsenal 3-2 Aston Villa
0-1 John McGinn(20′)
1-1 Nicolas Pepe(víti, 59′)
1-2 Wesley(60′)
2-2 Callum Chambers(81′)
3-2 Pierre-Emerick Aubameyang(84′)
