Manchester United hefur hafið viðræður við hinn unga Angel Gomes um að framlengja samning leikmannsins.
Frá þessu greina enskir miðlar en Gomes spilaði í 1-0 sigri á Astana í Evrópudeildinni á fimmtudag.
Gomes er 19 ára gamall en hann á aðeins nokkra mánuði eftir af samningi sínum við United.
Gomes má ræða við önnur félög í janúar og óttast United að missa hann til Barcelona sem hefur áhuga.
MEN greinir frá því að United sé nú í viðræðum við Gomes um að skrifa undir sem og Tahith Chong.
