Marcus Rashford, leikmaður Manchester United, skaut létt á fyrrum stjóra liðsins, Jose Mourinho í gær.

Rashford og félagar í United mættu Astana frá Kasakstan á fimmtudag og unnu 1-0 heimasigur í Evrópudeildinni.

Rashford er á því máli að United hefði ekki unnið þann leik fyrir tveimur árum er þeir spiluðu undir Mourinho.

,,Þeir voru erfitt lið að brjóta niður en ég held að það sjáist að fyrir tveimur árum þá hefðum við ekki komist í gegnum svona leik,“ sagði Rashford.

,,Allir bjuggust við því að þetta væri auðveldur leikur en þeir komu hingað til að vinna svo það var erfitt.“