Það kom mörgum á óvart þegar ljóst var að Magni myndi halda sæti sínu í Inkasso-deild karla.

Magni hefur verið í basli í allt sumar og vann til að mynda aðeins einn af fyrstu 11 leikjum sínum.

Magna tókst einnig að bjarga sæti sínu á dramatískan hátt í fyrra og var það sama upp á teningnum í ár.

Magni hefur spilað 44 umferðir í Inkasso-deildinni og í 40 af þeim hefur liðið verið í fallsæti.

Þó hefur Magni aldrei verið í fallsæti þegar það skiptir máli og hefur ávallt haldið sínu sæti.

Magni endaði tímabilið með 23 stig í 9. sæti deildarinnar, stigi á undan Haukum sem féllu.