Gary Neville, fyrrum leikmaður Englands, vildi sjá leikmenn liðsins fara í verkfall árið 2003 fyrir EM 2004.
Emile Heskey, fyrrum liðsfélagi Neville, greinir frá þessu en hann vildi sýna samherja sínum Rio Ferdinand stuðning.
Ferdinand var dæmdur í átta mánaða bann í desember árið 2003 en hann skrópaði þá í lyfjapróf og missti af EM í kjölfarið.
,,Gary Neville var sjálfskipaður talsmaður fyrir okkur býst ég við,“ sagði Heskey.
,,Hann hvatti okkur alla til að neita að spila fyrir England til að sýna Rio stuðning.“
,,Ég var ungur leikmaður og kinkaði bara kolli. Ég var tilbúinn að gera það sem hinir í hópnum vildu.“
,,Gary reyndi ítrekað að fá okkur til að sleppa því að spila en ég held að það hafi ekki verið þægilegt fyrir alla.“
