Manchester City setti met í ensku úrvalsdeildinni í dag er liðið mætti Watford á Etihad vellinum.
City tapaði síðasta deildarleik sínum mjög óvænt gegn Norwich 3-2 og hefndi fyrir það tap í dag.
City fór gjörsamlega á kostum í Manchester og skoraði átta mörk gegn engu frá gestunum.
Eftir 18 mínútur var staðan orðin 5-0 fyrir City og er það fljótasta fimma sögunnar í úrvalsdeildinnni.
Það var Blackburn Rovers sem átti áður metið en liðið skoraði fimm á 24 mínútum gegn Sheffield Wednesday árið 1997.
