Frenkie de Jong, miðjumaður Ajax hefur komið sér í klandur eftir að hafa verið að föndra á Instagram í gær.
Stuðningsmenn Barcelona eru pirraðir, liðið hefur byrjað illa og gerði markalaust jafntefli gegn Dortmund, í Meistaradeildinni í gær. Börsungar voru heppnir að tapa ekki.
De Jong kom til Barcelona í sumar frá Ajax en vill nú láta reka Ernesto Valverde, þjálfara liðsins. Hann líkaði við ummæli sem kröfðust þess að Valverde yrði rekinn.
Valverde er valtur í sessi en þessi hegðun De Jong mun eflaust kalla á afsökunarbeiðni og fund.
De Jong er ungur hollenskur miðjumaður, hann var frábær með Ajax í fyrra en eins og aðrir Börsungar, verið í brasi á síðustu vikum.
