Thibaut Courtois, markvörður Real Madrid, var reiður út í liðsfélaga sinn Eden Hazard í gær.

Hazard spilaði með Real í fyrsta sinn í gær en hann kom inná sem varamaður í 3-2 sigri á Leganes.

Courtois var hrifinn af sumu sem hann sá en lét Hazard annars heyra það fyrir hælspyrnur sem kostuðu Real boltann.

,,Eden sýndi hvað hann getur gert þegar við skoruðum næstum því. Hann var slakur á boltanum og lét spilið flæða,“ sagði Courtois.

,,Ég varð reiður út í hann nokkrum sinnum því hann var að reyna hælspyrnur og missti boltann. Þegar hans stund rennur upp þá getur hann skapað mikla hættu.“