Mamma Maurizio Sarri lét son sinn heyra það í sumar er hann ákvað að taka við starfinu hjá Juventus.
Sarri stýrði Chelsea á síðustu leiktíð en eftir eitt tímabil þar þá tók hann við keflinu hjá Juventus.
Mamma hans er ekki ánægð með þá ákvörðun en hún og öll fjölskylda Sarri styður lið Fiorentina.
Sarri er sjálfur stuðningsmaður Napoli en hann sá sína menn í Juventus gera markalaust jafntefli við Fiorentina í gær.
,,Hún var langt frá því að vera ánægð. Amma mín bjó 500 metrum frá vellinum svo allir studdu Fiorentina fyrir utan mig, ég studdi Napoli,“ sagði Sarri.
,,Ég á margar minningar frá þessum velli en því miður er sú síðasta að ég tapaði meistaratitlinum hérna.“
,,Ég þarf að skipta þeirri minningu út fyrir eina jákvæða.“
