Norwich 3-2 Manchester City
1-0 Kevin McLean(18′)
2-0 Todd Cantwell(28′)
2-1 Sergio Aguero(45′)
3-1 Teemu Pukki(50′)
3-2 Rodri(88′)
Það fór fram magnaður leikur í ensku úrvalsdeildinni í kvöld er lið Norwich fékk Manchester City í heimsókn.
Það bjuggust flestir við þægilegum sigri City áður en leikar hófust en það varð svo sannarlega ekki niðurstaðan.
Það voru heimamenn í Norwich sem höfðu betur 3-2 og skelltu því Englandsmeisturunum.
Finninn fljúgandi Teemu Pukki skoraði enn eitt markið í efstu deild og lagði þá einnig upp eitt.
Rodri minnkaði muninn fyrir City undir lok leiksins en Norwich tókst að halda út þrátt fyrir mikla pressu.
