Jose Mourinho, fyrrum stjóri Manchester United, hefur tjáð sig um sóknarmanninn Alexis Sanchez.
Mourinho var stjóri United er Sanchez var keyptur frá Arsenal en hann náði sér aldrei á strik á Old Trafford.
Sanchez fékk tækifærin til að sanna sig en hann var svo lánaður til Inter Milan í sumarglugganum.
,,Sanchez… Mér leið eins og hann væri ekki ánægður maður,“ sagði Mourinho við the Telegraph.
,,Sama hvaða starfi þú sinnir, ef þú ert ekki ánægður þá er erfitt fyrir þig að standa þig. Kannski hef ég rangt fyrir mér.“
,,Kannski var það ég sem gat ekki komist að honum og náð því besta úr honum.“
,,Sem þjálfari þá stundum nærðu því besta úr leikmönnum en stundum þá nærðu ekki árangri á því sviði.“
