Jose Mourinho, fyrrum stjóri Chelsea og Manchester United, er ekki vinsæll hjá öllum fyrrum leikmönnum.
Mourinho er þó enn mjög vinsæll á Ítalíu en hann vann Meistaradeildina með Inter Milan á sínum tíma.
Mourinho var gríðarlega vinsæll hjá leikmönnum Inter ræðir ennþá við suma aðila á hverjum degi.
Þetta segir Samuel Eto’o en hann og Mourinho voru saman hjá Inter. Þeir eru saman í hóp á WhatsApp þar sem fólk getur talað saman í símanum.
,,Mourinho bjó til fjölskyldu hjá Inter Milan. Við erum í WhatsApp hóp þar sem við tölum á hverjum degi,“ sagði Eto’o.
,,Við óskum hvorum öðrum til hamingju með afmælið og minnumst þess sem við upplifðum saman. Jose er alltaf að segja okkur frá úrslitum í Evrópu, hann er heltekinn af því!“
