Lionel Messi, leikmaður Barcelona, er ekki að íhuga að yfirgefa félagið eins og talað hefur verið um.

Greint var frá því fyrr í vikunni að Messi væri að íhuga það að taka skrefið til Bandaríkjanna eða heimalandsins, Argentínu.

Messi er talinn vera með klásúlu í sínum samningi þar sem hann má fara frítt til annars félags eftir hvert einasta tímabil.

,,Það sem ég get sagt er að ég vil vera hjá Barcelona eins lengi og ég get, ég vil klára ferilinn hér því þetta er mitt heimili,“ sagði Messi.

,,Ég vil ekki fá langan samning og bara vera hér því ég er samningsbundinn. Ég vil vera hér í góðu standi, fá að spila og skipta máli.“

,,Ég vil halda áfram að vinna hluti með liðinu. Þessi klásúla skiptir engu máli og peningarnir ekki heldur.“