Andy Robertson, leikmaður Liverpool og skoska landsliðsins, er talinn einn besti bakvörður ensku úrvalsdeildarinnar.

Robertson fær þó töluverða gagnrýni í heimalandinu en hann er fyrirliði Skotlands en geng liðsins er slæmt þessa stundina.

Skotland tapaði 2-1 gegn Rússum og viðurkennir Robertson að hann sé ekki að spila nógu vel. Hann lék einnig í 4-0 tapi gegn Belgíu á dögunum.

,,Að fá gagnrýni, hvort hún eigi rétt á sér eða ekki, það er háværara eftir að ég fékk bandið,“ sagði Robertson.

,,Ég er búinn til fyrir þessa hluti. Ef fólk gagnrýnir mig þá er það í lagi. Það væri betra að sleppa við það því þá þýðir það að ég hafi spilað vel en það fer ekki alltaf eins og þú vilt.“

,,Í sumum leikjum sem fyrirliði þá hef ég ekki verið nógu góður en góður í öðrum. Þetta lætur mig líta á mína eigin frammistöðu.“