Ole Gunnar Solskjær, stjóri Manchester United er að reyna að byggja upp nýtt lið. Mikið af mönnum fór frá félaginu í sumar.
Solskjær náði að fá inn þrjá nýja leikmenn en vill bæta meira í. Næstur á blaði er James Maddison, miðjumaður Leicester.
Ef marka má ensk blöð, þá er United nú þegar farið að undirbúa kaup á Maddison, fyrir næstu leiktíð.
Vitað er að Maddison hefði áhuga á því enda hefur hann rætt opinskátt um stuðning sinn við félagið í æsku.
Maddison ólst upp við að styðja United og David Beckham en hann mætir United á laugardag, þegar Leicester heimsækir Old Trafford. Maddison er nú kominn í enska landsliðið.
