John Obi Mikel, fyrrum leikmaður Chelsea, lenti í ansi vandræðalegu atviki í gær.

Mikel er þekktastur fyrir tíma sinn hjá Chelsea en hann spilar í dag fyrir Trabzonspor í Tyrklandi.

Mikel birti mynd á Instagram síðu sína þar sem mátti sjá fölsuð ummæli Ruben Neves, leikmanns Wolves.

,,Þegar við vorum hjá Porto þá fengum við DVD disk af John Obi Mikel til að taka heim með okkur á hverjum degi. Við kölluðum hann fótboltaprófessorinn,“ átti Neves að hafa sagt.

Það var mikið grín gert að Mikel eftir þessa færslu en það er ansi augljóst að Neves hafi aldrei sagt þessi orð.

,,Mikill heiður,“ skrifaði Mikel við færsluna en yfir þúsund manns bentu honum á að ummælin væru fölsuð.