Birkir Bjarnason, miðjumaður íslenska landsliðsins er án félags eftir að hafa rift samningi við Aston Villa. Staða Birkis er óljós en hann var nálægt því að semja við nýtt félag um liðna helgi, það datt upp fyrir á síðustu stundu.

,,Ég er búinn að vera að æfa með þjálfurum hjá Villa, í miklum hlaupum og ræktinni. Aðeins með bolta líka, formið er fínt. Ég tók 4 vikur á undirbúningstímabili með þeim, spilaði þrjá leiki og gekk mjög vel,“ sagði Birkir þegar við ræddum við hann í dag.

Birkir var í tvö og hálft ár hjá Aston Villa, hann var inn og út úr liðinu.. ,,Ég var mjög svekktur eftir að hafa gengið svona vel á undirbúningstímabilinu, þeir eru að hugsa annað. Þetta var best fyrir báða aðila

Birkir kveðst hafa verið nálægt því að fara í nýtt félag um helgina, hann er mikið orðaður við lið á Ítalíu. ,,Ég var mjög nálægt því um helgina, var með samning og allt var klárt. Það gekk ekki í þetta skiptið.“

Íslenska liðið kom saman í gær, liðið leikur gegn Moldóvu í undankeppni EM á laugardag hér heima. Síðan er leikur við Albaníu á útivelli. ,,Mjög spenntir, sérstaklega eftir síðustu leiki. Bæði spiluðum við vel og sex stig, gaman að koma saman fljótt aftur.“

Viðtalið við Birki er í heild hér að neðan.

Ísland Moldóva – Birkir Bjarnason – 03.09.19 from DV Sjónvarp on Vimeo.