Guðni Bergsson, formaður KSÍ er í skemmtilegu spjalli í hlaðvarpsþættinum, Draumaliðið. Þar velur hann besta liðið frá ferli sínum.

Guðni átti frábæran feril sem leikmaður, hann lék með Tottenham og Bolton á Englandi.

Einn af skemmtilegri leikmönnum sem Guðni lek með var Jay-Jay Okocha frá Nígeríu, sá var skemmtikraftur innan vallar hjá Bolton.

Hann elskaði bíla og átti tvo af dýrustu gerð. ,,Hann var bílaáhugamaður, hann átti tvo Ferrari,“ sagði Guðni í þættinum en hann valdi Jay-Jay Okocha í lið sitt.

Það kreppti hins vegar að þegar bank i í heimalandi Jay-Jay fór á hausinn. ,,Svo fór banki í Nígeríu í hausi, hann átti pening þar inni. Þetta spurðist út, hann var að hætta að spila með landsliði Nígeríu, þangað til þrotabúið kippti þessu í liðinn.“

Guðni og félagar ákváðu að nýta sér þetta og settu báða Ferrari bílana hans á sölu.

,,Við settum auglýsingu félagarnir, það var mynd af Ferrari að þeir tvær væru til sölu. Það var ekki neinn miskunn, Jay-Jay Okocha var skemmtilegur leikmaður.“