Harry Maguire var allt í lagi í sínum fyrsta leik fyrir Manchester United segir sparkspekingurinn Charlie Nicholas.
Maguire fékk mikið hrós fyrir spilamennsku sína í 4-0 sigri á Chelsea um síðustu helgi.
Nicholas segir að fólk þurfi þó að róa sig og að Maguire hafi ekki verið stórkostlegur í sigrinum.
,,Að mínu mati þá var Harry Maguire allt í lagi í leiknum – hann gerði það sem hann þurfti að gera,“ sagði Nicholas.
,,Hann gerði sitt og spilað hlutverkið en ég vil ekki heyra þetta bull um að hann sé leiðtogi á vellinum, það er allt of snemmt fyrir það.“
,,Hann hefur byrjað vel en ég hef áhyggjur af hægri og vinstri bakvörðum United. Chelsea hefði auðveldlega getað skorað tvö eða þrjú. Ég er enn ekki sannfærður um United og myndi enn losa mig við Paul Pogba.“
