Ólafur Kristjánsson, þjálfari FH, var ánægður í kvöld eftir leik sinna manna við KR í Mjólkurbikarnum.

FH vann 3-1 heimasigur á KR í Kaplakrika og mun leika við Breiðablik eða Víking R. í úrslitum.

,,Þetta voru bara sömu hlutir og í Valsleiknum, margt sem hefur verið til staðar í sumar,“ sagði Ólafur við Stöð 2 Sport.

,,Öflugur varnarleikur, Gummi og Pétur frábærir í miðri vörninni, bakverðirnir mjög sterkir, þéttir á miðjunni og vinnsla fremstu manna var góð.“

,,Mórallinn, það hefur verið talað um erfiðleika hjá FH, já að ná í úrslit miðað við áður en mórallinn er frábær og það eru þvílíkir karakterar í þessu liði.“

,,Ég er búin að segja það svo oft áður við ykkur, ef maður fer í bíó þá dæmir maður ekki myndina fyrr en hún er búin, við erum bara inni í miðri mynd. Hvort að aðal töffarinn fái aðal skvísuna á ballinu vitum við ekki fyrr enn í haust.“

,,Þetta eru tvö góð lið, en ég viðurkenni að það væri gaman að fá Blikana,“ sagði Ólafur að lokum.