Fyrsta umferð ensku úrvalsdeildarinnar fór fram um helgina en Liverpool byrjaði á því að leika sér að Norwich. Englandsmeistarar, Manchester City pökkuðu West Ham saman á útivelli.
Jóhann Berg Guðmundsson var á skotskónum í sigri Burnley á Southampton og Gylfi Þór Sigurðsson byrjaði er Everton sótti stig til Crystal Palace. Arsenal vann fínan útisigur á Newcastle og Manchester United vann öruggan 4-0 sigur á Chelsea.
Harry Maguire lék sinn fyrsta leik með United, eftir að hann varð dýrasti varnarmaður í sögu fótboltans. Hann komst vel frá sínu.
,,Ég kalla hann Skeppnuna (The Beast),“ sagði Paul Pogba um sinn nýjasta liðsmann eftir sigurinn.
,,Eins og allir sáu, þá passar hann strax mjög vel inn hjá okkur. Það sást á æfingum.“
,,Við töluðum um að stjórna varnarleiknum vel og hann og Victor Lindelöf voru að skilja hvorn annan mjög vel. Þetta var góð byrjun á tímabilinu.“
