Stuðningsmenn Arsenal ættu að vera spenntir segir hinn umdeildi Josh Kroenke sem er í stjórn félagsins.
Josh er sonur Stan Kroenke, eiganda Arsenal en sá síðarnefndi er alls ekki vinsæll á Emirates.
Josh ræddi við heimasíðu Arsenal í gær og gefur í skyn að félagið sé að vinna í því að fá inn nýja góða leikmenn.
,,Ef ég væri þeir þá væri ég spenntur. Það eru nokkrir hlutir sem við erum að vinna í,“ sagði Kroenke.
,,Það er aldrei neitt klárt fyrr en það er klárt en við vitum að við þurfum að skoða ákveðnar stöður í hópnum, bæði núna og fyrir framtíðina.“
